Facebook асосчиси 2018 йилни нимага бағишлаши ҳақида маълум қилди
Facebook асосчиси Марк Цукерберг ҳар йили ўз олдига аниқ бир йўналишдаги мақсадни қўяди — масалан, 2016 йилда у "Темир одам"даги Жарвисга ўхшаш" уй сунъий интеллектини ишлаб чиқиш билан шуғулланди, 2015 йилда — ойига иккитадан китоб мутолаа қилди, 2017 йилда эса — Американинг барча штатларини айланиб чиқди.
Цукерберг ўзининг ижтимоий тармоқдаги саҳифасида 2018 йилда алоҳида бир мақсад бўлмаслиги, у бу йилни ижтимоий тармоқ олдидаги мураккаб муаммолар ва уларни ҳал қилишга бағишлаши ҳақида ёзган. Гап сиёсий фалсафа, медиа фаолияти, ҳукумат ва бошқа масалалар ҳақида бормоқда.
Шундай масалалар орасида, Цукербергнинг таъкидлашича, технологиялар алоҳида ўрин тутади - хусусан, 2017 йилда машҳур бўлган марказлашмаган тизимлар, блокчейн ва криптовалюталар.
"2000-йилларда биз технологиялар марказлашмаслик ҳолатини келтириб чиқаради ва тармоқдаги ҳар бир фойдаланувчига куч беради, деб йўлагандик. Бироқ биз кутгандек бўлмади: йирик компанияларнинг кичик гуруҳи бошқарувни ўз қўлида ушлаб турди — яъни, аксинча, уни марказлаштирди. Ишлаб чиқарувчилар шифрлаш ва криптовалюталар каби янги технологиялар ёрдамида уни одамларга қайтаришга ҳаракат қилишмоқда, бироқ марказлашмаган технологияларни назорат қилиш қийинроқ. Мен уларнинг барча ижобий ва салбий томонларини ўрганиб чиқмоқчиман - бундай ишланмаларни бизнинг сервисларимизда қандай қўллай олишимиз мумкинлигини тушунишга ҳаракат қилмоқчиман", - дейди Цукерберг.
Мавзуга оид
09:31 / 28.08.2024
Цукерберг пандемияда Оқ уйнинг Meta’га босими ҳақида маълум қилди
22:51 / 05.03.2024
Facebook ва Instagram бутун дунё бўйлаб вақтинча ишламай қолди
21:32 / 01.02.2024
Цукерберг ижтимоий тармоқлар қурбони бўлган ўсмирларнинг ота-онасидан узр сўради
22:14 / 11.08.2023