Абдулазиз Комилов Трампнинг миллий хавфсизлик бўйича маслаҳатчиси билан нега учрашди?

2018 йилнинг 16 январь куни амалий ташриф билан АҚШда бўлиб турган Ўзбекистон Республикаси ташқи ишлар вазири Абдулазиз Комилов бошчилигидаги делегация Вашингтон шаҳрида АҚШ Президентининг миллий хавфсизлик бўйича маслаҳатчиси Герберт Макмастер билан учрашди. Бу ҳақда ТИВ ахборот хизмати хабар берди.

Музокараларда икки томон муносабатлари ҳолати ва истиқболлари, айрим халқаро ва минтақавий аҳамиятга молик муаммолар, жумладан Афғонистондаги вазият ривожланиши ҳамда замонавий хавфсизликка таҳдид билан курашишда ҳамкорлик қилиш масалалари муҳокама қилинган.

Эслатиб ўтамиз, аввалроқ Абдулазиз Комилов БМТ Бош котиби билан учрашгани хабар берилганди.