Туркия курдларга қарши амалиёт бошланганини эълон қилди

Туркия ҳукуматида Сурия шимолидаги террорчиларни йўқ қилишдан бошқа йўл йўқ, дея маълум қилди Туркия мудофаа вазири Нуриддин Жаникли Ahaber телеканали эфирида. Вазирнинг сўзларига кўра, Африн шаҳри яқинида қуролланган курд тузилмаларига қарши ҳарбий амалиёт де-факто бошланиб бўлган.

«Амалиёт деярли бошланиб бўлди», - деган Жаникли журналистнинг саволига жавоб қайтариб.

У кенг кўламли жанговар ҳаракатлар қачон бошланиши ва унда қайси кучлар иштирок этиши мумкинлиги ҳақида гапиришдан бош тортди.

«Бу амалиёт бажарилади, у ердан террорчилик ташкилотлари йўқотилади. Бу балки бугун, балки эртага, балки кечаси рўй берар», - дея айтиб ўтган Туркия Мудофаа вазирлиги раҳбари.

Жаниклининг таъкидлашича, турк ҳарбийлари ўз йўқотишларини камайтириш учун барча саъй-ҳаракатни кўрмоқда ҳамда YPG қуролланган тузилмалари имкониятлари ҳақида тўла маълумотга эгалар. Вазирнинг айтишича, турк қўшинлари YPG жангчилари АҚШдан олган танкларга қарши мажмуаларга тегишли жавоб қайтариш қудратига эга.

Дамашқ Туркия қирувчиларини уриб тушириши ҳақида баёнот берди

«Бизда ўзимизнинг ишланмалар бор – ҳам қуроллар, ҳам электрон воситалар, улар бу тизимларни блоклаб қўйиши ва йўқ қилиши мумкин. Яқинда ҳозирги пайтдаги энг кучли танкларга қарши мажмуага қарши туриши мумкин бўлган тизимни ишлаб чиқдик», - дея хабар берди Жаникли.

Мудофаа вазирлиги раҳбари Сурия ҳукуматининг Афринга ҳужумда иштирок этадиган турк самолётларини уриб тушириш ҳақидаги таҳдидларини кулгили, деб атади ҳамда Сурия ҳарбийларининг реал имкониятлари жуда чекланганини маълум қилди.

Жаниклининг баёнотлари фонида YPG вакили Reuters’га Африн яқинидаги курд қишлоқлари Туркия ҳудудидан кучли ўққа тутилаётганини хабар берди. Шу билан бирга, YPG вакилининг ишонтиришича, курд отрядлари исталган ҳужумни қайтаришга тайёр.