Instagram'дан қурилмаларга сурат юклашга оид тавсиялар

Аксарият Instagram'дан қандай қилиб суратларни юклаш мумкинлигини билмайди. "Лайфхакер" ўзингиз ва бошқа очиқ аккаунтлардан бирйўла бир нечта ёки битталаб сурат юклаш борасидаги тавсиялари билан бўлишди.

Суратларни бирма-бир юклаш

Instagram'дан суратларни бирма-бир юклаш учун DownloadGram веб-сервиси айни муддао. Бу бепул дастур бўлиб, барча қурилмаларда ишлайди ва бошқа бир дастурларни юклашни талаб қилмайди.

Суратни юклаб олиш учун Instagram иловасида ёки веб-версиясидан унинг ҳаволаси нусхасини олинг ва DownloadGram сайти сатрига киритинг-да, Download → Download Image'ни босинг. Шундан сўнг сервис автоматик равишда суратни юклаб олади ёки уни янги саҳифада очади ва сиз суратни оддий сайтлардаги суратларни сақлагандек сақлайсиз.

Бирйўла барча ёки бир неча танланган суратларни юклаш

Instagram'дан компьютерга сурат юклаш

Унча катта бўлмаган 4K Stogram кросс-платформа дастури унга уланган Instagram-аккаунтлардан бирйўла барча суратларни юклаб олади. Бепул версияга ўзингизга тегшили ёки бошқа иккитадан кўп бўлмаган профилларни улаш мумкин, бунинг учун пароль киритишга ҳожат йўқ. Лицензия сотиб олиш бу чекловни бекор қилади ва "ҳикоялар"дан суратларни юклаш имконини беради.

Аккаунтнинг барча суратларини юклаш учун унинг ҳаволасидан нусха олиб, уни 4K Stogram'нинг асосий менюсидаги сатрига киритинг. Кейин Enter'ни босинг ва суратлар юкланишини кутинг. Суратлар дастурда акс этганда уларни 4K Stogram'да кўриш ёки мақсадли папкада очиш мумкин бўлади.

Instagram'дан Android-қурилмага сурат юклаш

Google Play'да суратларни гуруҳлаб юклашни қўллаб-қувватловчи кўплаб иловалар мавжуд. Масалан, Fast Save.

Ушбу иловадан фойдаланиш учун унга ўзингизнинг Instagram аккаунтингиздан киринг. Сўнгра Fast Save қидирув тизимида юкламоқчи бўлган суратларини юкламоқчи бўлган профилингизни топинг. Мазкур профилни очинг, Керакли суратларни белгилаб чиқинг ва юклаш тугмасини босинг. Сақланган файллар қурилма галереясида пайдо бўлади.

Буларнинг барини илованинг бепул версиясида амалга ошириш мумкин. Тўлов киритсангиз, барча суратларни автоматик равишда танлаш имтиёзларига эга бўласиз, шу жумладан рекламани олиб ташлаш имконига ҳам.

Instagram'дан iOS-қурилмага сурат юклаш

Агар сиз iOS-қурилмадан фойдалансангиз, унга Instagram'дан битталаб сурат юклаш мумкин ёки юқори келтирилган компьютерга юклаш усули ёрдамида.

iPhone ёки iPad'га кўп суратларни биттада юклаш зарур бўлса, уни олдиндан US Apple ID'ни рўйхатдан ўтказиб, Америка App Store'идан ёзиш мумкин бўлади.

App Store'даги энг яхши ишлайдиган юкловчи дастурлардан бири — бу InstaSaver. Шу дастур ёки каталогдаги муқобил иловалардан фойдаланишингиз мумкин.

InstaSaver ёрдамида бирйўла бир неча суратни юклаш учун дастлаб уни ўзингизнинг Instagram аккаунтингизга уланг. Сўнг дастурнинг ички қидирув тизимидан суратларини юкламоқчи бўлган профилингизни топинг. Профилга кириб, ўнг томоннинг тепасида турган белгини босинг ва Batch Save'ни танланг. Шундан сўнг керакли суратларни белгилаб, юклаш тугмасидан фойдаланинг.

Дастур бепул, бироқ унга биттадан ортиқ аккаунтни улаш ва рекламани олиб ташлаш учун тўлов киритишга тўғри келади.