Чехияда президентлик сайловларининг иккинчи тури якунланди

Чехияда президентлик сайловларининг иккинчи турида овоз бериш жараёни якунланди. Бу ҳақда Чехия телевидениеси хабар бермоқда.

Хабарда айтилишича, сайлов участкалари соат 14:00 (Тошкент вақти билан соат 18:00)да ёпилган, овозларни ҳисоблаш жараёни бошланди.

Дастлабки маълумотларига кўра, сайловда иштирок этиш даражаси биринчи турдагидан юқорироқ бўлган. Ўшанда у 8,5 млн рўйхатдан ўтган сайловчилардан 61,92 фоизни ташкил қилганди.

Чехия фуқаролари иккинчи турда овоз беришнинг биринчи босқичидаги икки етакчи – республиканинг амалдаги раҳбари Милош Земан ва Фанлар академияси собиқ раиси Иржи Драгошдан бирини танлашди.

Эслатиб ўтамиз, сайловларнинг биринчи турида Земан 38,56 фоизни қўлга киритган бўлса, Драгош 26,6 фоиз овозлар билан иккинчи ўринни эгаллади.