Трамп «Арсенал»ни бошқариш таклифини олди

Британиялик журналист Пирс Морган АҚШ президенти Дональд Трампга «Арсенал» футболкасини совға қилиб, клубни бошқаришни таклиф этди.

«Трампга «Арсенал»ни бошқаришни таклиф қилдим, чунки у тезда ишончли ҳимоя деворини барпо қилди, ҳужумкор фалсафага эга ва совринларни ҳар қандай йўл билан қўлга киритишга интилади», — деб ёзди «қуролсозлар»нинг ашаддий мухлиси Морган.

Айни пайтда, «Арсенал»ни франциялик Арсен Венгер бошқариб келяпти. У лондонликларни 1996 йилда қўлга олган эди ва ҳозиргача уч марта Премьер-Лигада ғалаба қозонишга муваффақ бўлди.