Земан Чехия президенти сайловларида ғолиб бўлди

Чехияда 27 январда якунланган президент сайловларида Чехиянинг амалдаги президенти Милош Земан ғолиб бўлди ва иккинчи муддатга сайланди. Чехиянинг статистик бошқармаси томондан 86,86 фоиз сайлов участкаларидан олинган маълумот қайта ишлагандан кейин Земан 52,94 фоиз овоз тўплагани маълум бўлган. Унинг рақиби – Чехия фанлар академиясининг собиқ раҳбари Иржи Драгошга 45,07 фоиз овоз берилган. Сайловлардаги иштирок 66,17 фоизни ташкил қилган.

Сайловларнинг якуний натижалари яқин соатларда олиниши кутилмоқда.

Таъкидланишича, Драгошнинг штабида тушкун кайфият ҳукм сурмоқда. У яқин орада ўз мағлубиятини тан олиши, Земан эса матбуот анжуман бериши кутилмоқда.