Россияда энг кўп ўғриланувчи машиналар рўйхати тузилди

Автомобиллар ва кўчмас мулк учун хавфсизлик тизимларини бошқариш билан шуғулланувчи “Цезарь Сателлит” компанияси таҳлилчилари Россияда 2017 йилда энг кўп ўғирланган машиналар рўйхатини тузишди.  

Рейтингда “Лада” “етакчилик” қилмоқда: ўтган йил бу маркадаги машиналардан 5756 та ўғирланган. 2-ўриндан Toyota ва 3-ўриндан Hyundai жой олган, бу машиналардан мос равишда 3797 та ва 2056 та ўғирланган.

Энг кўп ўғриланувчи машиналар бешталигидан Kia (1890) ва Nissan (1197) ҳам жой олган. Рўйхатда умумий ҳисобда 20 та компания машиналари келтирилган. Рейтингнинг охирги ўринларини Chevrolet, Land Rover, Audi ва УАЗ маркалари эгаллаган, бу машиналардан ўртача 350 тадан ўғирланган.

Компания маълумотларига кўра, бир йил ичида Россияда 34 мингта машина ўғирланган.