АПЛ. «Манчестер Сити» ғалаба қозонди, таъқибчилар мағлубиятга учради

Чоршанба оқшомида Англия премьер-лигасининг 25-туридан ўрин олган етти учрашув билан тур ўйинларига якун ясалди. Куннинг энг марказий учрашуви «Уэмбли»да бўлиб ўтди.

«Манчестер Юнайтед»ни қабул қилган «Тоттенҳэм» бу учрашувда рақибидан устунлик қилди ва ишончли ғалабани қўлга киритди. Учрашувнинг 11-сониясидаёқ Кристиан Эриксен мезбонларни ҳисобда олдинга олиб чиқди ва АПЛ тарихидаги энг тезкор киритилган голлардан бирига муаллифлик қилди. Бўлим ўрталарида Фил Жонс ўз дарвозасини ишғол қилиб, рақиб ғалабасини мустаҳкамлади.

Энг кутилмаган натижа ҳам Лондонда кузатилди. «Челси» ўз уйида «Борнмут»ни қабул қилиб, йирик 0:3 ҳисобида имкониятни бой бериб қўйди. Пешқадам «Манчестер Сити» эса етакчиларнинг очко йўқотишидан унумли фойдаланди. «Вест Бромвич»ни қабул қилган Пеп Гвардиола шогирдлари Фернандиньо, Кевин Де Брюйне ва Серхио Агуэролар томонидан киритилган голлар эвазига йирик ҳисобда зафар қучди — 3:0. «Эвертон» «Лестер»дан устун келган бўлса, қолган уч учрашувда ғолиб аниқланмади.

Ғалабадан сўнг «Манчестер Сити» очколари сонини 68тага етказиб олди. «Манчестер Юнайтед» эса 53 очко билан 2-ўринда қолди. Эндиликда икки жамоа ўртасидаги фарқ яна 15 очкогача ошди. «Челси» эса 2-ўринга кўтарилиш имкониятини бой бериб, 50 очко билан 4-поғонага тушиб кетди. Ўз навбатида «Тоттенҳэм» 48 очко билан 5-ўринга мустаҳкам жойлашди ва ЕЧЛ йўлланмасини берувчи ўринларга жуда яқин келди.

Англия премьер-лигаси, 25-тур

Тоттенҳэм – Манчестер Юнайтед 2:0 (2:0)
Голлар: Эриксен (1), Жонс (28, автогол).
Тоттенҳэм: Льорис, Санчес, Дэвис, Триппьер, Вертонген, Эриксен, Дембеле (Ваньяма, 90), Дайер, Алли (Сиссоко, 88), Сон Ҳёнг Мин (Ламела, 80), Кейн.
Манчестер Юнайтед: Де Хеа, Жонс, Смоллинг, Валенсия, Матич, Янг, Лингард (Феллайни, 63; Эррера, 70), Погба (Мата, 63), Санчес, Марсьяль, Лукаку.
Огоҳлантиришлар: Дембеле (13), Джонс (38), Янг (73), Алли (85).

Манчестер Сити – Вест Бромвич 3:0 (1:0)
Голлар: Фернандиньо (19), де Брюйне (68), Агуэро (89).
Манчестер Сити: Эдерсон, Уокер, Отаменди, Лапорт, Зинченко, де Брюйне (Браим Диас, 78), Сильва (Гюндоган, 39), Бернарду Силва, Фернандиньо, Стерлинг, Агуэро.
Вест Бромвич: Фостер, Маколи, Доусон, Хегази, Ньом, Макклейн, Филд (Филлипс, 55), Якоб, Крыховяк (Бэрри, 33), Родригес, Рондон (Старридж, 78).
Огоҳлантиришлар: Сильва (32), Макклейн (69), Рондон (75), Филлипс (85).

Челси – Борнмут 0:3 (0:0)
Голлар: Уилсон (51), Станислас (64), Аке (67).
Челси: Куртуа, Кэйхилл, Кристенсен (Рюдигер, 28), Алонсо, Аспиликуэта, Азар, Канте, Педро, Бакайоко, Баркли (Фабрегас, 54), Дзаппакоста (Хадсон-Одои, 65).
Борнмут: Бегович, Кук, Дэниэлс, Фрэнсис, Аке, Гослинг, Кук, Станислас (Кинг, 71), Айб (Пью, 83), Фрэйзер, Уилсон (Муссе, 90).
Огоҳлантириш: Фабрегас (77).

Эвертон – Лестер 2:1 (2:0)
Голлар: Уолкотт (25, 39) – Варди (71, пенальти).

Саутҳемптон – Брайтон 1:1 (0:1)
Голлар: Стивенс (64) – Мюррей (14, пенальти).

Ньюкасл – Бёрнли 1:1 (0:0)
Голлар: Ласселс (65) – Дарлоу (85, автогол).

Сток Сити – Уотфорд 0:0