Ўзбекистон ва Жаҳон банки Digital CASA лойиҳасини ишга туширмоқда
Ахборот технологиялари ва коммуникацияларини ривожлантириш вазирлигида Жаҳон банкининг Ўзбекистонга ташриф буюрган махсус вакиллари гуруҳи билан учрашув бўлиб ўтди. Мазкур делегация мамлакатда «Рақамли Марказий Осиё — Жанубий Осиё» (Digital CASA) лойиҳасини амалга оширишга тайёргарлик кўриш юзасидан ташриф буюрган. Бутунжаҳон банки вакиллари ташрифлари жараёнида Ўзбекистондаги рақамли ривожланиш ҳолати ва натижалар хусусида ҳам музокаралар олиб боришмоқда.
Digital CASA лойиҳаси Осиёнинг ривожланаётган мамлакатларидаги АКТ инфратузилмани ривожлантириш, электрон ҳукумат учун тизимлари ишлаб чиқариш, рақамли иқтисодиётни жорий қилиш ва бошқа йўналишларда фаолият олиб боришни кўзлайди. Учрашувда ҳар иккала томон Digital CASA лойиҳаси бўйича ўз фикр-мулоҳаза ҳамда таклифларини баён қилдилар.
Ўзбекистон томони мамлакатда ушбу лойиҳанинг амалга оширилиши натижасида кутилаётган жиҳатлар ҳақида ўз қарашларини маълум қилди. Шундан келиб чиқиб, Жаҳон банки билан ҳамкорликнинг мамлакат ахборот технологиялари ва телекоммуникациялари тармоқларини ривожлантиришдаги аҳамияти қайд этилди.
Учрашувда лойиҳани ишлаб чиқиш юзасидан кейинги режалар белгилаб олинди. Шунингдек, Жаҳон банкининг махсус вакиллари Ўзбекистондаги вазирлик ва идоралар, жумладан IT-муассасалар билан учрашувларини давом эттиришмоқда.
Мавзуга оид
21:40 / 09.10.2024
Тошкент ҳавосининг ифлослиги йилига 3 минг кишининг бевақт ўлимига олиб келади — ҳисобот
15:30 / 04.10.2024
Жаҳон банки Ўзбекистондаги ислоҳотларни қўллаб-қувватлаш учун 800 млн доллар ажратади
07:22 / 24.06.2024
Ўзбекистон чиқинди газларни камайтиргани учун Жаҳон банкидан тўлов қабул қилган дунёдаги биринчи давлат бўлди
14:45 / 18.06.2024