Фото: AP
Яманда авиазарба натижасида ҳусийлар етакчиларидан бири, Муҳсин Муҳаммад ал-Ғуйрабий ҳалок бўлди. Бу ҳақда «Ал-Арабия» хабар тарқатган.
Яман ҳарбий-ҳаво кучлари самолётлари Ал-Жафв вилоятига зарбалар беришган. Бу ушбу ҳудудда исёнчиларнинг ҳужуми натижасида уч киши ҳалок бўлганидан сўнг рўй берди. Авиазарба натижасида ҳусийларнинг 35 жангариси, шу жумладан ал-Ғуйрабий ҳалок бўлган.
Эслатиб ўтамиз, аввалроқ яманлик ҳусийлар улар томондан ўлдирилган, мамлакатнинг собиқ президенти Али Абдуллоҳ Салоҳ партияси “Умумий халқ конгресси”га қурултой ўтказишга тўсқинлик қилганлиги хабар берилганди.
