Трамп Ливияга қарши санкцияларни яна бир йилга узайтирди

АҚШ президенти Дональд Трамп Ливияга қарши 2011 йилда киритилган санкцияларни яна бир йилга узайтирди. Бу ҳақда Оқ уй матбуот хизмати маълум қилди.

Санкциялар Ливияни Муаммар Каззофий бошқарган вақтда киритилган.

“Ливиядаги вазият ҳамон АҚШнинг хавфсизлиги ва ташқи сиёсатига фавқулодда хавф солмоқда ва Каззофий оила аъъзолари, уларнинг шериклари ва Ливия миллий ярашувига қаршилик қилаётган бошқа шахслар томондан активларнинг олиб чиқиб кетилиши ва бошқа суиистеъмолликлардан ҳимоя мақсадида чоралар зарур”, деб айтилган хабарда.

Дастлаб санкциялар рўйхатига Каззофийнинг ўзи ва унинг 4 нафар оила аъзоси, Ливия ҳукумати, марказий банки киритилган бўлган.

2011 йилда Каззофий ҳокимиятдан ағдарилиб, ўлдирилгандан кейин Ливия тинчимаяпти. Мамлакатда икки ҳокимлик амал қилади.