Россиядаги “К-Раута” дўконлари тармоғи 12 млрд рублга сотилди

Фото: К-Раута

Финляндия ритейлери Kesko Россиядаги “К-Раута” уй ва таъмирлаш маҳсулотлари дўконлари тармоғини Франциянинг Leroy Merlin компаниясига сотиш бўйича келишувга эришди. Келишув қиймати 12 млрд рубль ёки 169 млн еврони ташкил қилади.

Leroy Merlin Санкт-Петербургдаги 8 та, Москвадаги 3 та ва Калугадаги битта дўконни олади. Бу дўконлар ўрнида Leroy Merlin дўконлари очилади. Келишувга киритилмаган Ярославл ва Туладаги иккита дўкон 2018 йилнинг биринчи ярми давомида ёпилади.

“К-Раута” дўконлар тармоғи Kesko’нинг Россиядаги сўнгги активи эди. 2016 йилда ритейлер “К-Руока” озиқ-овқат дўконлари тармоғини “Лента” ритейлерига 11 млрд рублга сотиб юборганди, унинг спорт анжомлари сотилувчи Intersport дўконлари хусусий сармоячилар гуруҳи томондан харид қилинганди.