Қирғизистон-Ўзбекистон чегарасида чегарачилар инсонлар оқимини бошқара олишмаяпти
Воқеага ўз кўзи билан гувоҳ бўлганларнинг айтишича, «Дўстлик» чегара пости очилгач, пайдо бўлаётган навбатлар километрга чўзилмоқда, уни ҳосил қилган инсонлар сони 400 дан зиёд. Бир суткада икки давлат чегарасини 10 мингдан зиёд киши кесиб ўтмоқда, деб ёзади Қирғизистоннинг 24.kg сайти.
Таҳририятга суратларни жўнатган қирғизистонликларнинг сўзларига кўра, чегарачилар томонидан тамагирликка йўл қўйилаётгани ҳақидаги гап-сўзлар ҳам тинмаяпти. Бироқ ҳеч қандай исбот-далил йўқ.
Воқеа гувоҳларининг хабар беришича, Назорат ўтказиш пунктидаги паспорт назорати зали жуда кичик ва унда 4-5 нафаргина чегарачи ишламоқда. Улар инсонлар оқимини бошқара олишмаяпти, шу сабабли узундан узоқ навбатлар юзага келмоқда.
Kun.uz таҳририяти ҳам «Дўстлик» чегара постидаги «сунъий навбат»дан кимга фойда?» сарлавҳаси остида айни ҳолатни ёритган эди. Ушбу репортажда ҳам айнан Қирғизистондан Ўзбекистонга қайтиб ўтишда сунъий навбатлар юзага келаётгани танқид остига олинган эди.
Мавзуга оид
09:55
Саидикром Ниёзхўжаев Ўзбекистоннинг Қирғизистондаги элчиси этиб тайинланди
20:32 / 24.09.2024
Қирғизистонда Асқар Акаевга собиқ президент мақомини қайтариш рад этилди
18:49 / 20.09.2024
Қирғизистонда коррупционерлар ва уларнинг қариндошларига давлат лавозимида ишлаш тақиқланади
22:04 / 16.09.2024