Ташқи ишлар вазирлигида Туркия элчиси билан учрашув бўлиб ўтди

Фото: Ташқи ишлар вазирлиги

20 февраль куни Ўзбекистон Республикаси Ташқи ишлар вазирлигида Туркия Республикасининг фавқулодда ва мухтор элчиси Аҳмед Башар Шен билан учрашув бўлиб ўтди. Ташқи ишлар вазирлиги матбуот хизмати шу ҳақида хабар берди.

Суҳбат давомида икки томон муносабатларнинг амалий жиҳатлари, хусусан, турли даражаларда бўлажак Ўзбекистон-Туркия учрашувлари жадвали бўйича таклифлар ҳамда Бирлашган миллатлар ташкилоти (БМТ), Ислом ҳамкорлик ташкилоти (ИҲТ), бошқа кўп томонлама тузилмалар доирасидаги ҳамкорлик масалалари муҳокама қилинди.