Фото: Fotolia
Ўзбекистонда IT соҳасидаги ташкилотларнинг кадр салоҳияти кучайтирилади. Бу Ўзбекистон президентининг “Ўзбекистон Республикаси Ахборот технологиялари ва коммуникацияларини ривожлантириш вазирлиги фаолиятини ташкил этиш тўғрисида”ги қарорида назарда тутилган.
Ҳужжат билан 2018-2019 йилларда АКТни тубдан такомиллаштириш бўйича "йўл харитаси" тасдиқланди.
Ундаги бандлардан бири сифатида “ахборот-коммуникация технологиялари соҳасида мутахассислар рўйхатини шакллантириш” кўрсатилган.
Бундан ташқари, IT соҳасида ишлар ва хизматларнинг ягона классификатори ишлаб чиқилади.
Дастурий маҳсулот кўринишидаги рўйхат 2018 йилнинг 1 июнига қадар шакллантирилади.
