79 ёшли саудиялик 21 километрга югуриб Олимпия қўмитаси президенти томонидан тақдирланди
Шанба куни бўлиб ўтган 21 километрли ярим марафонда 79 ёшли саудиялик кишининг иштироки ҳақиқий сенсацияга айланди. GulfNews шу ҳақида хабар берди.
Саудия Арабистони Олимпия қўмитаси президенти ва Спорт бошқармаси раиси Туркий Ал-Шайх 79 ёшли Халаф Ал-Балавийга "мисли кўрилмаган жасорати учун" 100 минг саудия риалини топширди.
Ижтимоий тармоқлар фойдаланувчилари Ал-Балавийни қатъият рамзи сифатида улуғлаб, ёшлар учун яққол мисол деб аташди.
"У спорт масъуллари томонидан эътирофга лойиқ. Яқин йилларда уни яна мусобақаларда кўриб қоламиз, деб умид қиламиз", - деб ёзади фойдаланувчилардан бири.
Ярим марафон уч тоифани ўз ичига олганди: профессионал (21 км), ҳаваскор (8 км) ва кўнгилочар (4 км).
Қирол Сауд Университетида якунига етган пойгаларда юзлаб кишилар иштирок этишди. Ҳар бир тофиа бўйича илк ўн ўринни олган кишиларга мукофот ва совғалар топширилди.
Мавзуга оид
15:56 / 08.10.2024
Туғуруқхоналардаги ўлимни қандай камайтириш мумкин? – Саудияда ишлаётган ўзбек шифокори билан суҳбат
14:30 / 01.10.2024
Ўзбекистон бош вазири ўринбосари Саудия инвестициялар вазири билан музокара ўтказди
19:43 / 29.09.2024
Саудия Арабистонида 2024 йилда қанча инсон қатл этилгани маълум бўлди
12:40 / 27.09.2024