Тошкент шаҳри Шайҳонтохур туманида “Ҳувайдо” жоме масжиди таъмирланиб яна фойдаланишга топширилди.
Масжиднинг очилиш маросимида Ўзбекистон мусулмонлари идорасининг Масжидлар билан ишлаш бўлими мудири Раҳимберди Раҳмонов иштирок этди.
Пешин намозидан кейин ушбу намунали ишлар бошида турган ҳурматли Президентимиз, ЎМИ раиси муфтий ҳазратлари ҳақларига ва масжид таъмирланишида хизмат қилганлар, ҳомийлар, ушбу ишлар бошида турган солиҳ инсонлар ҳақига маъруза ва дуойи-хайрлар қилинди.
Масжидга 1701-1780 йилларда Фарғона водийсининг Чимён қишлоғида яшаб ижод этган тасаввуфий шоир Ҳувайдо номи берилган.
Эслатиб ўтамиз, Вазирлар Маҳкамасининг қарори билан Ўзбекистондаги барча қадамжолар, зиёратгоҳлар, масжид ва қабристонлар таъмирдан чиқарилиши ва ободонлаштирилиши белгилаб қўйилди.
