Ўзбекистонда оғир жиноятларда айбланаётган шахс Петербургда ушланди

Фото: Петербургский дневник

Петербургда Ўзбекистонда оғир жиноятларни содир этишда айбланаётган фуқаро қўлга олинди.

«Оперативное прикрытие» янгиликлар агентлиги хабарига кўра, Самарқанд вилоятида туғилган 32 ёшли шахс 28 февраль куни Костюшко кўчасидаги 11-уй ёнида қўлга олинган. Эркак 2017 йилнинг октябридан бери давлатлараро қидирувда бўлган.

Қайд этилишича, Ўзбекистонда ушбу шахс Жиноят кодексининг 244.2-моддаси (Диний экстремистик, сепаратистик, фундаменталистик ёки бошқа тақиқланган ташкилотлар тузиш, уларга раҳбарлик қилиш, уларда иштирок этиш) билан айбланмоқда. Унга сиртдан қамоққа олиш эҳтиёт чораси қўлланилган.