Видео: япон блогери спагеттидан пичоқ ясади

Япониялик видеоблогер спагеттидан пичоқ ясаб, сўнгра уни пишириб еди. Youtube видеохостингига қўйилган ролик муаллифи спагеттини ун ҳолатига келтириб, сўнгра яна хамир қорди ва уни микротўлқинли печкада пиширди. Пишириш чоғида хамир қандай қилиб бунчалик пишиқ бўлганига изоҳ берилмаган. 

Блогер видеороликнинг катта қисмида пичоқларнинг ўткирлиги ва пишиқлигини намойиш этиш учун уларни чархлайди. Улар ёрдамида помидорни кесиб, сув идиши ва картон қутини тешиб кўрсатди. Алалоқибат, япониялик пичоқларни идишда қайнатиб, пишлоқли қайла билан паққос туширди.