Тошкентда ички ишлар ходимига тан жароҳати етказишди

Тошкент шаҳрининг Сергели туманида жиноят содир бўлди, деб хабар қилмоқда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси.

Қайд этилишича, 5 март куни соат 23.15ларда Спутник 16-даҳа 7-уй 57-хонада яшовчи, 1992 йилда туғилган И.К. ва Спутник 2-даҳа 8 уй 39 хонада яшовчи 1976 йилда туғилган С.Ш. Йўлдош 2-даҳа ҳудудида жойлашган “Ким-чи” кафеси олдида шу ҳудудда хизмат олиб бораётган Сергели туман ИИБ профилактика инспектори, катта лейтенант Х.Мирзақуловнинг қонуний талабларига бўйсунмай қаршилик кўрсатиб тан жароҳати етказганлар.

Натижада катта лейтенант Х.Мирзақуловга касалхонада тиббий ёрдам кўрсатилган. И.К. ва С.Ш. қўлга олинган.