Миср суди 10 кишини террорчилик учун ўлим жазосига маҳкум қилди
Гиза жиноят суди Мисрнинг 10 фуқаросини ўлим, яна 5 нафарини умрбод қамоқ жазосига маҳкум қилди. Бу ҳақда Мисрнинг МЕНА ахборот агентлиги хабар берди.
Тергов маълумотларига кўра, гап Мисрда тақиқланган “Мусулмон биродарлар” ташкилоти аъзолари ҳақида кетмоқда. Улар 2013 йил июнда мамлакатнинг собиқ президенти Муҳаммад Мурсий президент лавозимидан четлатилгандан кейин қуролли қаршилик ташкиллаштиришган.
Жумладан, судланувчилар террорчилик бўлими ташкил этишган, унинг вазифасига Гиза вилоятида ташкил этиладиган оммавий тадбирларни қўриқлаш кирган. “Улар патруллар ҳамда армия ва полиция пунктларига ҳужум қилишган, портловчи бомбалар қўйишган, Имбаб тумани жиноят қидирув бўлими бошлиғи, полиция ходимлари ва зобитларни ўлдиришган, улар ортидан кузатув олиб боришган”, деб айтилган хабарда.
Барча судланувчилар Қоҳира ва Гизадаги норозилик тадбирларида иштирок этишган. Уларга “ўқотар қуролга, жумладан автоматларга ноқонуний эгалик қилиш, портловчи моддалар сақлаш ва тайёрлаш” айблови қўйилган.
Ўлим жазосига маҳкум қилинганлардан икки нафари сиртдан жазоланган.
Мавзуга оид
13:00 / 27.09.2024
Ўзбекистон ва Миср ўртасида сиёсий маслаҳатлашувлар бўлиб ўтди
12:40 / 16.09.2024
Мисрда хорижий туристлар бўлган автобус ЙТҲга учради
23:44 / 09.09.2024
Мисрлик археолог Германиядан Нефертити бюстини қайтаришни талаб қилмоқда
17:58 / 07.09.2024