Туркия: турк-америка муносабатлари буткул узилиш ёқасида 

Туркия ТИВ раҳбари Мавлуд Чавушўғлининг маълум қилишича, АҚШ ҳамда Туркия ўртасидаги муносабатлар бутунлай узилиб кетиш ёқасида турибди. Бу ҳақда РИА «Новости» хабар берган.

Унинг сўзларига кўра, турк халқи Америка томонига «жуда салбий» муносабатда.

«Бизнинг мамлакатлар ўртасидаги муносабатлар буткул узилиб кетиш арафасида турибди. Бу якуний тарзда рўй бермаслиги учун ҳам февраль ойида ишчи гуруҳлар ташкил этилди. Ҳамда биз шарт қўйдик: агарда сизлар яна ўзингизнинг битта сўзингизга ҳам амал қилмасангиз, унда биз ҳам ортиқча сабр қилиб ўтирмаймиз», - дея айтиб ўтди Чавушўғли.

Вазирнинг таъкидлашича, гап АҚШ томонидан курдлар бирлашмаларига Сурия ҳудудида қурол-яроғ етказиб бериш ҳақида ҳам боряпти.

Эслатиб ўтамиз, аввалроқ Туркия Россиядан С-400 нега харид қилинганини тушунтириб берганди.