Саудия Арабистони Яманга ёрдам мақсадида 2 млрд доллар ажратди

Фото: REUTERS / Khaled Abdullah

Саудия Арабистони пайшанба куни Яман Марказий банкига 2 млрд доллар миқдорида депозит киритиш ҳақидаги шартномани имзолади. Бу ҳақда Саудия матбуот агентлиги жума куни хабар берган.

Имзо қўйиш маросими Ар-Риёдда ташкил этилган бўлиб, унда Саудия Арабистони молия вазири Муҳаммад бин Абдуллоҳ ал-Жадаан иштирок этди. Унинг маълум қилишича, бу омонат Ямандаги иқтисодий вазиятни яхшилайди ҳамда маҳаллий валюта – Яман риали курсига ижобий таъсир кўрсатади.

Эслатиб ўтамиз, Яманда 2014 йилнинг августидан бери маҳаллий ҳукумат ва исёнчи ҳусийлар ўртасида қуролли тўқнашув давом этмоқда.

Аввалроқ, Саудия Арабистони ва БАА Яманга 1 млрд доллар ажратиши хабар берилганди.