Порошенко Россияга тўққиз грамм қўрғошин ҳақида эслатди

Украина президенти Пётр Порошенконинг маълум қилишича, мамлакатга ҳужум амалга ошириладиган бўлса, тегишли жавоб қайтаришга тайёр. Бу ҳақда «Украинская правда» хабар қилмоқда.

«Бизни бир неча ўн йиллар давомида тинчликсевар Россия ҳақида алдаб келишди ҳамда буни битта мақсад билан – биз сизлар билан Россия ҳужумига тайёр бўлмаслигимиз учун қилишди. Бироқ мен шуни маълум қиламан: бундай хатога энди йўл қўйилмайди – Россия биз жавоб қайтаришга тайёрлигимиз ҳамда бизга қилич билан келадиган ҳар бир кишига тўққиз грамм қўрғошин сақлаб қўйилганини яхши билиб қўйиши керак», - дея айтиб ўтди Порошенко.

Порошенко Краматорскдаги чиқиши давомида шундай баёнот берди.

Эслатиб ўтамиз, аввалроқ Украина Донбассдаги тинчликпарварлар бўйича янги баёнот билан чиққанди.