18 ёшли қиз портлаб кетган смартфон туфайли ҳалок бўлди

Фото: Daily Mail

Ҳиндистонда 18 ёшли қиз телефонда гаплашаётган вақтида смартфон портлаб кетгани туфайли ҳалок бўлди. Бу ҳақда Daily Mail хабар қилмоқда.

Газета маълумотларига кўра, ҳодиса Одиша штатида юз берган. Ума Орам исмли қиз воқеа юз берганида смартфонни қувватлантириш ускунасига улаган ва телефон қўнғироғини амалга оширган.

Жабрланган қиз шифохонага ҳушсиз ҳолда, қўл, кўкрак ва оёқ жароҳатлари билан олиб келинган, кейинчалик у ҳаётдан кўз юмди.

Айни дамда қурилманинг портлаб кетишига нима сабаб бўлгани номаълумлигича қолмоқда.