Меркель Туркиянинг Африндаги ҳаракатларини қоралади

Фото: Reuters

Германия канцлери Ангела Меркель Туркиянинг Сурия шимолидаги Афринда олиб бораётган ҳарбий ҳаракатларини қоралаб чиқди. У шунингдек, Сурия армиясининг Шарқий Ғутани ўққа тутишда давом этаётганига кескин эътироз билдирган.

Бундестагда чиқиш қилган Меркель Германия ҳукумати Шарқий Ғутадаги авиазарбаларни кескин қоралайди. У бунда Сурия армиясини ва Башар Асад режими ҳаракатларига жим қараб турган Россияни айблади.

Меркель Туркиянинг Сурия Афринидаги ҳарбий кампаниясига «тоқат қилиб бўлмаслиги»ни қайд этган.

«Мен Туркиянинг ҳаракатларини ҳам қатъий қоралайман», деган Меркель хоним.