1,2 млрд доллар ўғирлаган хакерлар гуруҳи етакчиси ҳибсга олинди
Европа полицияси вакиллари Европа Иттифоқининг полиция хизмати беш йил давомида банкларни тунаб келган халқаро хакерлар гуруҳи етакчисини қўлга олганини эълон қилди. Бу ҳақда Engadget портали хабар бермоқда.
Таъкидланишича, жиноятчини қўлга олиш бўйича операция Испания, Руминия, Беларусь Тайван ва АҚШ куч тузилмаларининг ўзаро ҳаракатлари эвазига мумкин бўлди. Жиноятчи Испаниянинг Аликанте шаҳрида қўлга олинган.
Жиноий гуруҳ 2013 йилдан бери ҳаракат қилиб, 40 та давлатдаги 100 дан кўпроқ молиявий ташкилотни 1,2 млрд долларга тунаган.
Кибержиноятчилар банк ходимларига вирус сақланган файллар бириктирилган хатларни жўнатишган. Файл очилганда, хакерлар қурилма устидан назоратни қўлга киритиб, банк ишига таъсир қила олган.
Гуруҳ пул ўтказмаларини қўлга киритган, баъзи ҳолларда эса шундай қилганки, банкомат муайян суммани белгиланган вақтда чиқарган ва жиноятчилар бу пулларни олиб кета олган. Ўғирланган пуллар криптовалюталар ёрдамида ювилган.
Мавзуга оид
16:39 / 10.09.2024
Иссиқ ҳаво туғилиш даражасини пасайтиради — тадқиқот
08:36 / 10.09.2024
Испания бош вазири Хитой ва ЕИ ўртасидаги савдо можаросини бартараф этишга уриниб кўрди
23:59 / 02.09.2024
Севиляда норозиликлар: Ғарбий Нил вируси беш кишининг ўлимига сабабчи бўлди
17:50 / 24.08.2024