Ереван марказида юз берган портлашда 8 киши жароҳат олди 

Арманистон пойтахти Ереван марказида жойлашган ресторанлардан бирида портлаш юз бериши оқибатида 8 киши жароҳат олди. Бу ҳақда Арманистон фавқулодда вазиятлар вазирлиги сайтида маълум қилинди.  

“Маҳаллий вақт билан соат 20.44да Еревандаги Шимолий кўчасида портлаш юз бергани, жабрланувчилар борлиги ҳақида хабар олинди”, дейилган хабарда. 

Маълум қилинишича, ресторанда кислород баллони портлаган.

Воқеа жойида қутқарувчилар, инқирозий ҳолатлар бошқармаси миллий марказининг тезкор гуруҳи иш олиб борган.

Портлашда Арманистоннинг 6 ёш, 8 ёш ва 19 ёшли фуқаролари, Россиянинг 3 нафар 15 ёшли фуқароси ва Эроннинг 2 нафар 24 ёшли фуқароси жароҳат олган. Улар шифохонага етказилганлар.