«Челси» Лондон дербисида ғалабани қўлдан чиқарди

«Челси» Англия чемпионатининг 33-турида «Вест Ҳэм Юнайтед»ни қабул қилди. Лондондаги «Стэмфорд Бриж» стадионида кечган учрашувда кучлар тенг келди - 1:1.

Майдон эгалари 36-дақиқада Сесар Аспиликуэтанинг аниқ зарбаси эвазига ҳисобни очишди. Аммо «Вест Ҳэм» иккинчи бўлимда ҳисобни тенглаштиришга муваффақ бўлди. 73-дақиқада Хавьер Эрнандес ҳисобни тенглаштирди.

Шу тариқа, «Челси» АПЛда қаторасига иккинчи ўйинда ғалаба қозонолмади. Аввалги турда Антонио Конте шогирдлари «Тоттенҳэм Ҳотспур»га ютқазишганди (1:3).

Эндиликда «Челси» 57 очко билан Англия чемпионати турнир жадвалида бешинчи ўринда, «Вест Ҳэм» 34 очко билан 14-ўринда жойлашган.

Англия чемпионати
33-тур
Челси – Вест Ҳэм 1:1 (1:0, 0:1)
Голлар: 1:0 – 36 Аспиликуэта, 1:1 – 73 Эрнандес.
Челси – Куртуа, Аспиликуэта, Кэйхилл, Рюдигер, Мозес (Педро, 78), Фабрегас, Канте, Алонсо, Виллиан, Азар, Мората (Жиру, 78).
Вест Ҳэм – Ҳарт, Райс, Огбонна, Крессуэлл (Эвра, 64), Сабалета, Куяте, Нобл, Масуаку, Фернандеш (Эрнандес, 70), Жоау Мариу (Каллен, 85), Арнаутович.
Огоҳлантириш: Нобл (46).