Автоҳалокатда омон қолган хоккейчи ҳалок бўлгани билан адаштириб қўйилди

Канаданинг Саскачеван вилояти маъмурияти автоҳалокатга учраган “Хамболдт Бронкос” ёшлар хоккей жамоасининг омон қолган хоккейчисини ҳалок бўлгани билан адаштириб қўйди. Бу ҳақда Associated Press ахборот агентлиги хабар бермоқда. 

Автоҳалокат 7 апрелда юз берган. Хоккейчилар кетаётган автобус яримтиркамали юк машинасига урилган. Бунинг оқибатида 15 киши ҳалок бўлган. Айни вақтда автоҳалокат тафсилотлари юзасидан тергов ишлари олиб борилмоқда. 

Шифокорлар шифохонада ётган Ксавье Лабелляни ҳалок бўлган Паркер Тобин деб қабул қилишган. Шифокорлар хатони иккала хоккейчилар ҳам деярли бир хил тузилишга эгалиги билан тушунтиришган. Шунингдек, жамоанинг барча ўйинчиларининг сочи оқартириб чиқилган ва шу сабабли улар бир-бирларига жуда ўхшаб кетганлар.

Вилоят маъмурияти раҳбари бўлиб ўтган воқеа учун узр сўраган. 

“Бронкос” “Нипавин Хоукс“га қарши плей-офф ўйинига кетаётган бўлган. Жамоанинг ўйинчилари ёши 18 дан 21 гачани ташкил қилган.