Германия Сурияни бомбардимон қилишдан бош тортди
Германия ғарб давлатларининг Суриядаги ҳарбий амалиётида иштирок этмайди. Бу ҳақда Германия канцлери Ангела Меркель Дания бош вазири Ларс Лекке Расмуссен билан Берлиндаги матбуот анжуманида айтиб ўтди.
Меркелнинг айтишича, бироқ Германия иттифоқдош давлатларнинг кимёвий қуролни қўллаш номақбуллигини кўрсатишга қаратилган барча ҳаракатларни қўллаб-қувватлайди.
Ғарб давлатлари Сурия президенти Башар Асад тузумини Шарқий Гутанинг Дума шаҳрига кимёвий ҳужум содир этишда айбламоқда. Ҳуқуқни ҳимоя қилувчи ташкилотлар маълумотларига кўра, 7 апрелда Думанинг бомбардимон қилиниши оқибатида 40 дан 70 гача одам ҳалок бўлган. Яна 500 киши заҳарланишдан жабр кўрган. Сурия ва Россия ҳарбийлари кимёвий қурол қўллангани ҳақидаги хабарни ёлғон деб аташган.
11 апрелда АҚШ президенти Дональд Трамп кимёвий қурол қўлланишига қарши чора сифатида Сурияга ракета зарбаси берилишини эълон қилди. Бундан ташқари, у Асад тузумини қўллаб-қувватлаётган Россия ва Эрон ҳам “катта ҳақ” тўлашларини айтган.
Асадга қарши ҳарбий амалиётга Буюк Британия ва Франция қўшилиши мумкин. Британия ОАВ маълумотларига кўра, Британия бош вазири АҚШнинг Сурияга зарба беришини парламент розилигини кутиб ўтирмай қўллаб-қувватлашга тайёр.
Мавзуга оид
11:30 / 01.10.2024
БМТ: 100 000 киши Ливандан Сурияга қочди
16:11 / 09.09.2024
Сурияда Исроил зарбаси оқибатида 14 киши ҳалок бўлди
21:57 / 07.09.2024
АҚШ Ироқдан қўшинларини олиб чиқиш санаси маълум бўлди — ОАВ
12:52 / 10.08.2024