Ўз отасини пичоқлаган ўғил ушланди – ИИВ

Қорақалпоғистон Республикасининг Нукус шаҳрида жиноят юз берди, деб хабар қилмоқда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси.

Қайд этилишича, 15 апрель куни соат 11.30ларда, П.Сейтов кўчасида яшовчи, 1996 й.т. Ш.Т. уйида ўзаро жанжал оқибатида бирга яшовчи отаси, 1968 й.т. П.Ю.нинг кўкрак қисмига пичоқ билан уриб жароҳат етказган. 

Натижада П.Ю. касалхонага ётқизилган. Ш.Т. қўлга олинган.