Беларуслар Польшада чиқиндини йўл четига ташлади. Маҳаллий аҳоли уни машинага қайта улоқтирди

Польшадаги «СтопХам»нинг YouTube-канали йўллардан биридаги тирбандликда юк автомобили видеоқайд этиш воситаси орқали тасвирга олинган видеони эълон қилди. Ёзувдан кўриш мумкинки, Беларусь рақамига эга бўлган микроавтобус деразасидан чиқиндига тўла учта пакет чиқариб ташланган.

Шундан сўнг юк машинасидан ҳайдовчи чиқади ва чиқиндиларни минивэнга қайта улоқтиради, бошқа бир поляк эса қонун бузувчининг рақамларини камерага олади. Микроавтобус йўловчиларидан бири йўл четида қолган чиқиндини олишга мажбур бўлган.

Таъкидлаб ўтиш жоизки, Польшада машинадан чиқиндини йўл четига ташлаганлик учун 50-200 злотий (900-3600 рубль) миқдорида жарима қўлланилади. Беларусда ҳам шунга ўхшаш ҳолат – бу маъмурий ҳуқуқбузарлик саналиб, 24-94 рубль (700-1400 Россия рубли) миқдорида жаримага сабаб бўлади.