АҚШнинг Нэшвилл шаҳри (Теннеси штати) полицияси Waffle House ресторанида 4 кишининг ўлдирилишида гумон қилинган Трэвис Рэйнкингни қўлга олди.
22 апрелга ўтар кечаси Нэшвилл чеккасида жойлашган ресторанга милтиқ билан қуролланган эркак бостириб кириб, у ердаги одамларни ўққа тутган. Ҳужум оқибатида 4 киши ҳалок бўлган ва 2 киши яраланган.
Полиция ушбу қотилликни содир этишда Мортон шаҳридан (Иллинойс штати) бўлган 29 ёшли Рейнкингни гумон қила бошлаган. Таъкидланишича, у эҳтимол руҳий хасталикка эга бўлиши мумкин. Рейнкингни қўлга олиш учун бир кундан кўпроқ вақт кетган.
