Исроил баёнот берди: Эрон ва КХДР баллистик ракета бўйича ҳамкорлик қиляпти

Исроил КХДР ва Эрон ҳукуматлари баллистик ракета дастури бўйича ҳамкорлик қилаётганига оид етарли маълумотларга эга. Бу ҳақда Исроил разведка вазири Исраэль Кац маълум қилди, деб хабар бермоқда Reuters.

«Ҳа, менинг фикримча, ҳамкорлик олиб борилмоқда, ҳамда у баллистик ракеталар ишлаб чиқилишига оид. Бизда далиллар ҳам бор. Биз кўп далилларга эгамиз», - дея айтиб ўтди Кац.

Шунингдек, унинг таъкидлашича, КХДР ва Корея Республикаси етакчилари саммити якунлари бўйича қабул қилинган қўшма декларация АҚШ президенти Дональд Трампга Эрон билан ядровий келишувни қайта кўриб чиқишга эришишда ёрдам беради. 

«Ҳозир Трампда Эронга қарши кўпроқ имкониятлар бор. Балки, у Европа иттифоқини коалицияда кучсиз ҳалқага айланмасликка ишонтира олиши мумкин», - дея маълум қилди Кац.

Шунингдек, у КХДРнинг ядро дастуридан воз кечиши Яқин Шарқ минтақасига ижобий таъсир кўрсатишига ишонишини билдирди.

Эслатиб ўтамиз, аввалроқ Эрон Корея ярим ороли бўйича баёнот берганди.