Саудия Арабистонининг давлат нефть компанияси директорлар кенгашига илк бор аёл киши кирди

Фото: Sputnik.ru

Америкалик Линн Эльзенханс Саудия Арабистонининг Saudi Aramco давлат нефть компанияси тарихида унинг директорлар кенгашига кирган илк аёл киши бўлди.

Бундан аввал АҚШнинг Sunoco нефть компанияси бош директори лавозимини эгаллаган Эльзенханс компаниянинг директорлар кенгаши таркибига кирган 5 нафар янги аъзо қаторида айтилган. Эльзенхансдан ташқари, компаниянинг директорлар кенгашига қиролликнинг молия вазири Муҳаммад бин Абдуллоҳ ал-Жадъан, иқтисодиёт ва режалаштириш вазири Муҳаммад ал-Тувайжри, Chevron Phillips Chemical’нинг собиқ бош бошқарувчиси Питер Селла ва Dow Chemical директори Эндрю Ливерис кирган.

Таъкидланишича, Эльзенханснинг бундай юқори лавозимга тайинланиши Саудия Арабистони ва бутун нефть саноати учун камдан-кам учрайдиган ҳол бўлгани сабабли ўзига хос воқеа бўлди.