Британия парламенти «Магнитский тузатишлари»ни қабул қилди

Буюк Британия парламенти депутатлари «Санкциялар тўғрисида ва пул ювиш билан курашиш чоралари ҳақида»ги қонун лойиҳасига «Магнитский тузатиши» тузатишларини қабул қилишди. Бу ҳақда Буюк Британия ТИВ раҳбари Борис Жонсон твиттерда хабар берди.

Тузатиш инсон ҳуқуқларининг қўпол бузилишлари учун санкцияларни назарда тутади, бу АҚШда 2012 йилда қабул қилинган Магнитский актига ўхшашдир.

«Парламентда муҳим палла, сабаби «Магнитский» тузатиши инсон ҳуқуқларининг жиддий бузилишига қарши қаратилган бўлиб, у санкциялар тўғрисидаги қонунга қўшилди. Бу Бирлашган Қиролликка бутун дунё бўйлаб жиддий ҳуқуқбузарликлар учун жавобгар бўлган шахсларга қарши тегишли ҳаракатларни амалга ошириш имконини беради», - дея ёзган Жонсон.

Аввалроқ, Британия ҳукумати Россиядан бўлган амалдорларга қарши «Магнитский қонуни»га ўхшаш қонун лойиҳасини ишлаб чиқиш ҳақидаги қарорга келишгани хабар берилганди.