Эмери: «Манчестер Сити»да Гвардиола хўжайин, «ПСЖ»да эса...»

«ПСЖ» бош мураббийи Унаи Эмери жамоада ким етакчи экани ҳақидаги фикрлари билан ўртоқлашди.

«Бир куни Хорхе Вальдано менга «Барселона»да Месси етакчи, «Реал»да - Флорентино Перес, «Атлетико»да — Симеоне эканини айтди. Бу ҳолатларда футболчи, президент ва мураббий етакчи эканини кўришимиз мумкин. 

«ПСЖ»да эса етакчилик вазифасини Неймар бажаради. У клубга етакчи ва дунёнинг энг яхши футболчиси бўлиш учун келган. Бироқ, унга бироз вақт керак. Агар «Манчестер Сити»да Хосеп Гвардиола хўжайин бўлса, «ПСЖ»да Неймардир», — деб Эмери сўзларини келтирмоқда Mundo Deportivo.