Ким Чен Ин баландроқ кўриниш учун махсус патак кийиб юриши тахмин қилинди

Тахмин қилинишича, Шимолий Корея етакчиси Ким Чен Ин баландроқ кўриниш учун пойабзалини ичида махсус патак билан юради. Бу ҳақда Жанубий Кореянинг “Чосон ильбо” нашри ёзмоқда.

Нашр журналистлари Шимолий Корея ва Жанубий Корея етакчиларининг учрашувидаги сурат билан мутахассисларга мурожаат қилиб, улардан Ким Чен Иннинг ташқи кўринишини таҳлил қилиб беришни сўрашган. Мутахассислар Ким Чен Ин ва Жанубий Корея президенти Мун Чжэ Иннинг бўйларини таққослаб, Шимолий Корея етакчиси жанублик ҳамкасбидан 2-3 см пастроқ эканини таъкидлаб ўтишган. Таъкидланишича, Мун Чжэ Иннинг бўйича 168 смга яқинни ташкил қилади. 

Мутахассислар Ким Чен Ин туфлисининг антиқа шаклига эътибор қаратишиб, у баландроқ кўриниш учун махсус патак кийиб юришини тахмин қилишган. Бунга кўра Шимолий Корея етакчисининг ҳақиқий бўйи 162,5 смга яқинни ташкил қилиши тахмин қилинган.