«Манчестер Юнайтед» қимматбаҳо трансфер бўйича келишувга эришди

«Лацио» яримҳимоячиси Сергей Милинкович-Савич Англияда фаолиятини давом эттиришга яқин турибди. Бу ҳақда The Sun нашри хабар тарқатди.

 Манба берган хабарга кўра, 23 ёшли сербиялик яримҳимоячи «Манчестер Юнайтед» билан оғзаки келишувга эришган. Шунингдек «қизил иблислар» унинг трансфери учун талаб қилинаётган 90 миллион еврони ҳам тўлашга рози бўлган. Агар бу трансфер амалга ошса, Сергей Поль Погбадан кейин жамоа тарихидаги иккинчи қимматбаҳо футболчи бўлади.

Жорий мавсумда Милинкович-Савич барча мусобақаларда 45 учрашувда майдонга тушиб, 13 гол ва 9 голли узатма муаллифи бўлган.