АҚШ Эрон ва Туркия авиакомпанияларига қарши санкциялар киритди
АҚШ Эроннинг Mahan Air ва Meraj Air авиакомпаниялари билан алоқаси бўлган Эроннинг икки авиакомпанияси, Туркия авиакомпанияси ҳамда Туркияда қайд қилинган учта логистик компанияга қарши санкциялар киритди. Бу ҳақда АҚШ молия вазирлиги маълум қилди.
Маълум қилинишича, Mahan Air билан алоқаси бўлган Эронда жойлашган Blue Airways ва Туркиянинг Otik Aviation авиакомпанияларига, Туркиянинг материал-техник таъминоти тармоғига карши санкциялар киритилган. Тармоққа Trigron Lojistik, RA Havacilik ва 3G Lojistik компаниялари киради. Бу компаниялар 2011 йилдан бери АҚШнинг санкциялар рўйхатида бўлган Mahan Air’га ўз авиапаркларига хизмат кўрсатишга имкон берган.
Эроннинг Dena Airways авиакомпанияси ва у билан боғланган икки нафар жимоний шахс 2014 йилдан бери “қора рўйхат”да бўлган Meraj Air билан алоқаси сабабли санкциялар остига тушган.
Маълум қилинишича, санкциялар рўйхатидаги авиакомпанияларга у ёки бу йўл билан алоқаси бўлган 31 та самолёт ҳам санкцияларга учраган. Бу самолётларга парвоз қилиш ёки қўнишга рухсат берувчи барча шахс ва ташкилотлар ҳам АҚШ санкцияларига учрайди, деб айтилган АҚШ молия вазирлигида.
Мавзуга оид
17:53
АҚШда резавор мевалар етиштирувчи вертикал ферма ташкил этилди
22:33 / 07.10.2024
АҚШ Қозоғистонда АЭС қуриш бўйича тендерда иштирок этиш истагини билдирди
22:07 / 07.10.2024
Эрон Исроил ҳужуми содир бўлган тақдирда камида 10 та чора сценарийсини тайёрлади
11:41 / 07.10.2024