Помпео Ким Чен Иннинг «ўнг қўли» билан музокаралар ўтказди
АҚШ давлат котиби Майк Помпео бугун Нью-Йоркда Шимолий Корея Ишчи партияси Марказий қўмитаси раисининг ўринбосари Ким Ен Чхоль билан учрашди, дея хабар беради Daily Mail.
Нашрнинг ёзишича, Ким Ен Чхоль КХДРнинг энг нуфузли амалдорларидан бири бўлиб, уни кўпинча Шимолий Корея раҳбари Ким Чен Иннинг «ўнг қўли» деб аташади.
Хабар қилинишича, сиёсатчилар АҚШ президенти Дональд Трамп ва Ким Чен Иннинг келгусидаги учрашувини муҳокама қилмоқдалар. Дастлабки маълумотларга кўра, учрашув 12 июнь куни Сингапурда бўлиб ўтади. Учрашув тафсилотлари очиқланмаган.
АҚШ давлат котиби Майк Помпео Шимолий Корея Ишчи партияси Марказий қўмитаси раисининг ўринбосари Ким Ен Чхоль билан «яхши тушлик» қилгани ҳақида маълумот берди. Давлат котиби бу ҳақда твиттерда ёзган.
«Бугун Нью-Йоркда Ким Ен Чхоль билан яхши амалий тушлик ўтказилди», - дея ёзган Помпео.
Унинг айтишича, менюда стейк, жўхори ва пишлоқ бор эди. Бундан ташқари, у твиттерда тушликдан фотосуратларни жойлаштирди.
Эслатиб ўтамиз, аввалроқ КХДР вакили Нью-Йоркка келаётгани хабар берилганди.
Мавзуга оид
22:37 / 28.09.2024
АҚШда «Хелен» тўфони оқибатида 50 дан ортиқ инсон ҳалок бўлди
18:53 / 28.09.2024
АҚШ Давлат котиби Марказий Осиё давлатлари ташқи ишлар вазирлари билан учрашди
13:13 / 28.09.2024
“Мистер ва миссис Огородникофф”: АҚШда ишлаган КГБ жосуслари қандай фош қилинганди?
12:55 / 28.09.2024