Абрамович Британия визаси учун аризасини қайтариб олди

Фото: These Football Times

Лондоннинг «Челси» футбол клуби эгаси Роман Абрамович Буюк Британия инвестицион визасини узайтириш учун аризасини қайтариб олди.

The Sun маълумотига кўра, россиялик тадбиркор Исроил фуқаролигини олгани туфайли Британия визасини узайтириш шарт эмас, деб ҳисобламоқда. Исроил фуқаролиги эса унга Буюк Британия ҳудудида ярим йилгача қолиш имконини беради.

Абрамович Британия визасини олиш билан боғлиқ муаммолар юзага келгач, Исроилга кўчиб ўтишга қарор қилди.

Эслатиб ўтамиз, аввалроқ Абрамович Исроил фуқаролигини олаётгани хабар берилганди.