«Тоттенҳэм» клуби ва Англия терма жамоаси ҳужумчиси Ҳарри Кейн Football Observatory талқинига кўра, дунёнинг энг қиммат футболчиси деб тан олинди. Унинг трансфер нархи 201 миллион еврога баҳоланмоқда.
Иккинчи ва учинчи поғонадан «Пари Сен-Жермен» ҳужумчилари Неймар (€195,7 млн) ва Киллиан Мбаппе (€186,5 млн) жой олди.
Ҳисоб-китобда футболчининг ёши, амалдаги шартномаси, самарадорлиги ва голлари сони, жамоадаги роли, чемпионат савияси инобатга олинди.
Дунёнинг энг қиммат футболчилари ўнлигига «Барселона»дан Лионель Месси (€184,2 млн), «Ливерпуль»дан Муҳаммад Салоҳ (€171,3 млн), «Тоттенҳэм»дан Деле Алли (€171 млн), «Манчестер Сити»дан Кевин де Брюйне (€167,2 млн), «Атлетико»дан Антуан Гризманн (€164,5 млн), «Ювентус»дан Паоло Дибала (€164,2 млн), «Манчестер Юнайтед»дан Ромелу Лукаку (€163,4 млн) ҳам кирди.
«Олтин тўп»нинг амалдаги соҳиби Криштиану Роналду (€103,4 млн) рўйхатда 24-поғонани эгаллади.
