Сингапурда Шимолий Корея етакчиси Ким Чен Ин ва АҚШ президенти Дональд Трампнинг учрашуви муносабати билан махсус тангалар чиқарилди. Бу ҳақда мамлакат зарбхонаси сайтида хабар қилинган.
«Мўлжалланаётган тарихий саммит Сингапур тарихида муҳим из қолдиради», - дейилади хабарда.
Таъкидланишича, тангалар уч вариантда қилинган: олтин, кумуш ва никелланган рухдан.
Шу билан бирга, ҳар бир тангада қўлларнинг сиқишуви акс этган, чапда - КХДР байроғи, ўнгда - АҚШники.
Эслатиб ўтамиз, аввалроқ КХДР Сингапурда Ким Чен Ин учун лимузин қидираётгани хабар берилганди.
