Сингапур вазирлари ижтимоий тармоқларда шаҳар бўйлаб сайр қилаётган Шимолий Корея етакчиси билан бирга тушган суратларини жойлашди.
Сингапур таълим вазири Он е Кун Facebook'даги саҳифасида "Кўрфаз ёқасидаги боғлар" паркида олинган селфиси билан бўлишди. Суратда Ким Чен Ин сурат муаллифи ва Сингапур ТИВ раҳбари Вивиан Балакришнан ўртасида тасвирланган.
Балакришнан ҳам ўз аккаунтида шунга ўхшаш суратни жойлаштирган.
12 июнь куни Сингапурда тарихдаги илк АҚШ ва КХДР расмийлари ўртасидаги саммит ўтказилиши режалаштирилган. Унда Америка президенти Дональд Трамп ва Шимолий Корея етакчиси Ким Чен Ин ўртасида учрашув бўлиб ўтади.
