Фото: РИА Новости / Владимир Астапкович
Италиялик карабинерлар 1987 йилда ўғирлаб кетилган мопедни эгасига қайтаришди. Бу ҳақда маҳаллий ОАВ маълум қилди.
Таъкидланишича, мопед ўғирлаб кетилганда унинг эгаси 17 ёшда бўлган, ҳозирда эса у 48 ёшда.
Ўтган асрнинг 80-йилларида италиялик мактаб ўқувчиларининг орзуси ҳисобланган Piaggio фирмаси мопеди тинтув вақтида 37 ёшли собиқ жиноятчида аниқланган. Ҳаворанг мопеднинг на давлат рақами, на ҳужжати бўлган, бироқ карабинерлар уни рамасидаги рақами орқали кимга тегишли эканини аниқлай олишган.
Карабинерлар мопеднинг асл эгаси билан телефон орқали алоқага чиқишган. Эркак “темир тойчоғини” тезроқ қайтариб олиш учун ўзи яшайдиган Павия шаҳридан мопед топилган Тиццано-Валь-Пармагача 150 км йўлни босиб ўтишга тайёрлигини айтган.
