Тошкентда «Спарк» машинасида пиёдани уриб, қочиб кетган ҳайдовчи қидирилмоқда
16 июнь куни Тошкент шаҳрининг Учтепа туманида номаълум ҳайдовчи давлат рақами аниқланмаган “Спарк” автомашинасини Катта Хирмонтепа кўчасида ҳайдаб кетаётиб, йўлни кесиб ўтаётган пиёда, Чилонзор туманида яшовчи Н.И. исмли аёлни уриб юбориб, ёрдам кўрсатмасдан, воқеа жойидан қочиб кетган.
Бу ҳақда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабар қилмоқда.
Олган жароҳатлари сабаб Н.И. касалхонага ётқизилган. Мазкур йўл-транспорт ҳодисасини содир этган номаълум ҳайдовчини аниқлаш ва ушлаш чоралари кўрилган.
«Ҳурматли фуқаролар, агар кимда-ким ушбу ҳолатга гувоҳ бўлган ёки ҳайдовчи ва автомашина ҳақида бирон маълумотга эга бўлса, зудлик билан ички ишлар органларининг ҳудудий бўлимларига ёки «102» телефон рақамига қўнғироқ қилиб хабар беришингиз сўралади. Унутманг, бу орқали сиз жиноятга жазо муқаррар эканлигига ўз ҳиссангизни қўшиш билан бирга, ўзингиз ва яқинларингизни ана шундай қайғули воқеалардан асраган бўласиз», - дейилади хабарда.
Мавзуга оид
09:10 / 01.10.2024
Тошкентда хонадонида 38 кг гиёҳвандлик воситасини сақлаб келган шахс ушланди
00:09 / 01.10.2024
Аграр университетдаги ёнғин ўчирилди
09:30 / 30.09.2024
Тошкентда ўзини банк ходими деб таништириб, ўзганинг 15 млн сўмини ўзлаштирган шахс ушланди
12:20 / 28.09.2024