![](https://storage.kun.uz/source/3/OLvW_085ipyM1uOf23-zSUcvskAF3ELI.jpg)
Фото: Flickr
Туркия 21 июнда АҚШдан илк иккита 5-авлоддаги F-35 Lockheed Martin қирувчи самолётини олди. Бу ҳақда Lockheed Martin компанияси маълум қилди.
Самолётлар тантанали равишда Lockheed Martin’нинг Форт-Уэрт шаҳридаги (Техас штати) заводида турк томонига топширилган. Ушбу самолётлар Аризона штатидаги Люк базасига жўнатилади. Бу ерда турк учувчилари самолётларда учишга ўргатиладилар. Режага кўра, Анқара 100 тадан кўпроқ F-35 самолёти олиши керак.
Шу тариқа Вашингтоннинг Туркияга самолётларни етказиб бериш қарори АҚШнинг турк бозорини йўқотмаслик мақсадида, Анқара томонидан Россиянинг С-400 зенит-ракета мажмуалари сотиб олиниши муқаррарлигини тан олган ҳолда муросага борганини англатади.